BMT-dən Qarabağa müşahidəçi missiyasımı gəlir?

Xoş gəir, şəfa gətirir. Azərbaycan zatən Qarabağ erməniləri köçə başladığı gündən indiyədək “getməyin, biz sizin təhlükəsizliyinizə və hüquqlarınıza tam təminat veririk”, - deyirdi və yəqin ki, onların geri qayıtmasına yenə razılıq verəcək. Təbii ki, bəzi şərtlə;

İlk şərt: Qarabağa yalnız münaqişədən əvvəl bu ərazidə yaşamış ermənilər və onların törəmələri yerləşdirilə bilər. Sonradan gələnlər Qarabağın işğalında birbaşa iştirak etmiş şəxslərdir, onların Azərbaycan vətəndaşı sayılması üçün əvvəl törətdiyi cinayətlərin hüquqi cəzalarını çəkmələri lazımdır;

İkinci şərt: Qarabağdakı erməni vətəndaşlarımız ya Laçın dəhlizi xülyasını yaddan çıxarmalı və Ermənistanla tam əlaqələrini kəsməli, ya da İrəvan zəhmət çəkib Zəngəzur dəhlizini açmalıdır. Hər iki dəhlizin hüquqi statusu eyni olmalıdır.

Üçüncü şərt: Bizim Qarabağda məskunlaşan erməni vətəndaşlarımız kimi, Ermənistanda da vaxtilə yaşamış Azərbaycanlı soydaşlarımız olub və onlar 1905-1920, 1945-48 və 1988-1990-cı illərdə öz yurd yuvalarından didərgin salınıblar. Ədalətin tam bərqərar olması üçün onlar da öz tarixi vətənlərinə qayıtmalı və regional inteqrasiyaya start verilməlidir.

Dördüncü şərt: Qarabağ erməniləri hansı hüquq və öhdəliklərə sahib olacaqlarsa, Qərbi Azərbaycanlılar da eyni azadlıqlara yiyələnməlidirlər.

Səhv etmirəmsə, Azərbaycan diplomatiyası ermənilərlə aparılan danışıqlarda bu prinsipi dəfələrlə ortaya qoymuş və İrəvan bunlarla razılaşmamışdır. Əminəm ki, BMT müşahidəçi missiyası da bu ədalətli prinsipləri qəbul etmək zorunda qalacaq və İrəvan üzərinə yeni öhdəliklər qoyulacaq.

Azər Fikrətoğlu - DİA.AZ