Əsas Səhifə > Güney Press > Lənkəranda yaşayış evindən külli miqdarda tiryək aşkarlanıb

Lənkəranda yaşayış evindən külli miqdarda tiryək aşkarlanıb


23-05-2020, 11:37
Lənkəranda yaşayış evindən külli miqdarda tiryək aşkarlanıb
DİA.AZ: - Lənkəran Şəhər Rayon Polis Şöbəsinin əməkdaşları əməliyyat-axtarış tədbirləri həyata keçiriblər.

Bu barədə DİA.AZ-a Daxili İşlər Nazirliyinin (DİN) Mətbuat Xidmətinin Lənkəran regional qrupundan məlumat verib.

Bildirilib ki, əməliyyat nəticəsində narkotiklərin qanunsuz dövriyyəsində şübhəli bilinən Lənkəran şəhər sakini Mehman Əliyev saxlanılıb.

Onun özünün də iştirakı ilə yaşadığı evə keçirilən baxış zamanı oradan 17 bükümdə ümumi çəkisi 614 qram narkotik vasitə tiryək aşkarlanaraq götürülüb.

Faktla bağlı Lənkəran Şəhər Rayon Polis Şöbəsinin İstintaq bölməsində araşdırma aparılır.

Geri qayıt