Əsas Səhifə > Güney Press > ETSN #evdəqal kampaniyası çərçivəsində daha bir təşəbbüslə çıxış edib

ETSN #evdəqal kampaniyası çərçivəsində daha bir təşəbbüslə çıxış edib


27-03-2020, 13:21
ETSN #evdəqal kampaniyası çərçivəsində daha bir təşəbbüslə çıxış edib
DİA.AZ: - Nazirliyin rəsmi facebook səhifəsində "Tullantılara ikinci həyat ver" adlı maarifləndirici və məşğuledici ekoloji məşğələlərə başlanılır.

DİA.AZ-ın məlumatına görə, ETSN-nin mətbuat katibi İradə İbrahimova jurnalistlərə bildirib ki, bu layihə ilə biz, həm evdə qalmaqla insanlarımıza səmərəli məşğuliyyət növü təklif edirik, həm də tullantıların atılıb, ətraf mühiti çirkləndirməməsi üçün onların məişətdə və istehsalatda təkrar istifadəsinin təşviqini həyata keçiririk.
"Plastik, şüşə, kağız və sairdən olan əşyaları istifadə etdikdən sonra onların yenidən istifadə olunma imkanlarının fərqinə varmadan tullantı kimi zibil qutusuna atırıq.
Tullantılara yeni həyat verərək onları istifadəyə qaytarmaq həm büdcəyə, həm təbiətə xeyirdir.
Bu məqsədlə də məşğələlərdə insanlar müxtəlif tullantılardan, xüsusilə plastik tullantılardan məişət əşyalarının, vacib ləvazimatların hazırlanması prosesini göstərən video görüntüləri izləyəcək, evdə qalaraq məişətləri üçün lazım olan yeni əşyaları hazırlamaq vərdişləri qazanacaq, vaxtlarını səmərəli keçirmə fürsəti əldə edəcəklər”.

Geri qayıt