Əsas Səhifə > Güney Press > Türkiyə “Barış pınarı” antiterror əməliyyatında şəhid verib

Türkiyə “Barış pınarı” antiterror əməliyyatında şəhid verib


11-10-2019, 08:37
Türkiyə “Barış pınarı” antiterror əməliyyatında şəhid verib
Türkiyə Silahlı Qüvvələrinin (TSQ) Suriyanın şimalında həyata keçirdiyi “Barış pınarı” antiterror əməliyyatı zamanı Türkiyə ordusunun bir hərbçisi şəhid olub.

“Report” xəbər verir ki, bu barədə ölkənin Milli Müdafiə Nazirliyi məlumat yayıb.

Bildirilib ki, hərbçilərlə terrorçu PKK/PYD və YPG qruplaşmalarının silahlıları arasında baş verən atışma nəticəsində üç əsgər yaralanıb. Nazirlik şəhid, çavuş Ahmet Topçunun vəfatı ilə bağlı ailəsinə başsağlığı verib. Hazırda əməliyyat davam edir.

Qeyd edək ki, Türkiyə Silahlı Qüvvələrinin (TSQ) Suriyanın şimalında həyata keçirdiyi “Barış pınarı” antiterror əməliyyatı çərçivəsində PKK/PYD və YPG terror qruplaşmalarının 277 silahlısı məhv edilib.

Geri qayıt