Dərslərin başlanmasına dair bir neçə versiya... .....                     Prokurorluq Bərdədəki olayla bağlı məlumat yaydı .....                     Şura və Agentlik qalib QHT-lərlə onlayn görüş keçirib .....                     Koronavirusa qarşı “Putin peyvəndi”: .....                     Onun bu mənzilə ehtiyacı yox idisə, niyə verirdin, ay Əli Həsənov? .....                     Azərbaycanda dərslərin müddətinin azaldılması təklif edilir .....                     Zorlanan 15 yaşlı qızdan xəbər var: .....                     Əhməd Əhmədzadə dostu Mirkamil Seyidova nəyin müqabilində vəzifə verib? .....                     DSMF-nin vəzifəli şəxsləri hakim qarşısına çıxarılır .....                     Sabah dollar neçəyə olacaq? .....                     Abşeronda təbliğat işləri gündəlik həyata keçirilir .....                     "Kapital Bank" Yol Polisi İdarəsindəki şöbəsini niyə açmır? .....                     “Uşaqpulunun məbləği ən azı 100 manat civarında olmalıdır” .....                     DTX-nın saxladığı icra başçıları YAP-dan çıxarılıb: .....                     Şübhəli ov: Pentaqon Azərbaycanda da yarasaların toplanmasını sifariş edib? .....                     Sahil Babayevin karandaşlı “islahatları” .....                     “Maskaların yerə atılması təhlükəlidir” .....                     Operativ Qərargahın qəribə məntiqi .....                     Azərbaycanda COVID-19-a yoluxanların sayı 33 824-ə çatıb, .....                     Azərbaycanda aparılmış koronavirus testlərinin sayı 800 mini keçib .....                     Azərbaycanda daha 202 nəfər COVID-19-dan sağalıb, 93 nəfər yoluxub, .....                     BNA-da nə baş verir? .....                     Baş infeksionistdən XƏBƏRDARLIQ .....                     Ağdaşda tibbi maskadan istifadə etməyən sürücü və sərnişinlər cərimələndi .....                     "Rəvan Sığorta" əmlakının böyük hissəsini .....                     "Ssenari elə qurulub ki, zərərçəkmiş tərəf bu gün təqsirləndirilən tərəf olub..." .....                     Karantin qaydalarını pozaraq Qubaya gələn 7 nəfər məsuliyyətə cəlb olundu .....                     “Müxalifətin trolları iqtidarın trollarından güclüdür” .....                     Prezident Əli Əsədova daha bir yüksək vəzifə verdi .....                     Bu hakim şagirdini hamilə qoyan 60 yaşlı müəllimə bir il cəza verib .....                     İlham Zəkiyev AMADA-nın İdmançılar Məsləhətçi Komissiyasının sədri seçilib .....                     Sosial mənzillərin ELEKTRON SATIŞI: “Təklif və tələbat arasında nisbət dəyişir” .....                     Sabirabadda YAP üzvünün başına necə oyun açdılar... .....                     Kürdəmirə yeni DYP rəisi təyin edilib .....                     Xəzərin mühafizəsində birgə olmalıyıq .....                     Tələbələri ən az xərcə salan ölkələr: .....                     Neftçalada karantin qaydalarını pozaraq yas mərasimi keçirənlər cərimələnib .....                     “Əksəriyyət məhkəmə-hüquq sistemindən şikayətçidir” .....                     Prezident İlham Əliyev Bakıya gətirilmiş TX modelli yeni "London taksi"ləri ilə .....                     Təhsil Nazirliyi yeni tədris ili ilə bağlı təlimat hazırlayıb? .....                 

İnzibati Xətalar Məcəlləsində dəyişikliklər edildi - SİYAHI
Tarix: 22-05-2020, 16:42 | Çap et
Prezident İlham Əliyev İnzibati Xətalar Məcəlləsində dəyişiklik edilməsi haqqında qanunu imzalayıb.

"Report" xəbər verir ki, bu qanun 2020-ci il iyunun 1-dən qüvvəyə minəcək. Sənədə aşağıdakı dəyişikliklər edilib.

1.1. 16.3-cü maddənin ikinci cümləsi aşağıdakı redaksiyada verilsin:

“Hərbi qulluqçulara ictimai işlər, həmçinin bu Məcəllənin 41-ci fəslində nəzərdə tutulmuş inzibati xətalar istisna olmaqla digər inzibati xətalara görə inzibati həbs tətbiq edilə bilməz.”.

1.2. 28.4.6-сı maddə aşağıdakı redaksiyada verilsin:

“28.4.6. hərbi qulluqçulara.”.

1.3. 30-cu maddə üzrə:

1.3.1. 30.1-ci maddədə “ayrı-ayrı növlərinə görə” sözlərindən sonra “üç gündən” sözləri əlavə edilsin;

1.3.2. 30.2-ci maddədə “həmçinin hərbi qulluqçular, o cümlədən müddətli həqiqi hərbi xidmət hərbi qulluqçuları və hərbi qulluqçu hazırlayan xüsusi təyinatlı təhsil müəssisələrinin kursantları” sözləri “habelə bu Məcəllənin 41-ci fəslində nəzərdə tutulmuş inzibati xətalar istisna olmaqla digər inzibati xətalara görə hərbi qulluqçular” sözləri ilə əvəz edilsin.

1.4. 31.4-cü maddədə “üçdə” sözü “dörddə” sözü ilə əvəz edilsin.

1.5. Aşağıdakı məzmunda 31.4-1-ci maddə əlavə edilsin:

“31.4-1. İnzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz.”.

1.6. Aşağıdakı məzmunda 34-1-ci maddə əlavə edilsin:

“Maddə 34-1. İnzibati xətaya görə daha yüngül inzibati tənbeh tətbiq etmə

Bu Məcəllənin Xüsusi hissəsində inzibati xətaya görə müəyyən edilmiş sanksiyada nəzərdə tutulmuş ictimai işlər və ya inzibati həbs növündə inzibati tənbehin tətbiq edilməsi bu Məcəllənin 28.4-cü və ya 30.2-ci maddələrinin tələblərinə əsasən mümkün olmadıqda, hakim inzibati xəta törətmiş şəxs barəsində bu Məcəllənin Xüsusi hissəsinin müvafiq maddəsində nəzərdə tutulmuş inzibati tənbeh əvəzinə iki yüz manatdan beş yüz manatadək məbləğdə cərimə növündə inzibati tənbeh tətbiq edir.”.

1.7. 39.2-ci maddədə “227-ci maddəsində” sözləri “227, 232-1-ci və 351-1-ci maddələrində” sözləri ilə əvəz edilsin.

1.8. 43-cü maddə üzrə:

1.8.1. 43.1-ci maddədə “197” rəqəmlərindən sonra “, 198.2, 198.3” rəqəmləri, “229,” rəqəmlərindən sonra “232-1,” rəqəmləri və “351,” rəqəmlərindən sonra “351-1,” rəqəmləri əlavə edilsin;

1.8.2. 43.4-cü maddədə “Bu Məcəllənin” sözlərindən sonra “610-618-ci maddələrində nəzərdə tutulmuş inzibati xətalar haqqında işlərə, habelə bu Məcəllənin” sözləri əlavə edilsin.

1.9. 53.0.10-cu maddədə “227-ci maddəsində nəzərdə tutulan” sözləri “Xüsusi hissəsinin müvafiq maddələrinin Qeyd hissələrində bilavasitə müəyyən edilmiş hallarda” sözləri ilə əvəz edilsin.

1.10. 54-cü maddə üzrə:

1.10.1. 54.2-ci maddədə “və 606.1-ci” sözləri “, 606.1 və 610-618-ci” sözləri ilə əvəz edilsin;

1.10.2. 54.3-cü maddədə “qərardaddan” sözündən sonra “onun surətinin bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində” sözləri əlavə edilsin.

1.11. 88.1.6-cı maddənin sonunda nöqtə işarəsi nöqtəli vergül işarəsi ilə əvəz edilsin və aşağıdakı məzmunda 88.1.7-ci maddə əlavə edilsin:

“88.1.7. müvafiq icra hakimiyyəti orqanının vəzifəli şəxsləri - hərbi xidmət əleyhinə olan inzibati xəta törədildikdə.”.

1.12. 89.4-cü maddədə “və ya 535-ci,” sözləri “, 535 və 610-618-ci” sözləri ilə əvəz edilsin.

1.13. Aşağıdakı məzmunda 99.3-1-ci maddə əlavə edilsin:

“99.3-1. Bu Məcəllənin 41-ci fəslində nəzərdə tutulmuş inzibati xəta hadisəsinin mövcudluğu ilə bağlı bu Məcəllənin 99.1-ci maddəsində göstərilən səbəblərdən biri və bu Məcəllənin 99.2-ci maddəsində göstərilən kifayət qədər əsaslar olduqda, müvafiq icra hakimiyyəti orqanının səlahiyyətli vəzifəli şəxsi inzibati xəta haqqında iş üzrə icraatın başlanması üçün zəruri məlumatları toplayaraq ərazi üzrə müvafiq hərbi prokurora göndərir.”.

1.14. 99.4.3-cü maddədə “qərardad” sözündən sonra “(qərar)” sözü əlavə edilsin.

1.15. 102.1-ci maddədə “qaydaları” sözündən sonra “, hərbi xidmət” sözləri, “227-ci,” sözlərindən sonra “232-1-ci, 351-1-ci,” sözləri əlavə edilsin.

1.16. 103.1-ci və 103.2-ci maddələrdə “prokurorun qərarı” sözləri “prokurorun inzibati xəta haqqında iş üzrə icraatın başlanması haqqında qərarı və ya bu Məcəllənin 102.6-cı maddəsində nəzərdə tutulmuş qaydada tərtib etdiyi protokol” sözləri ilə əvəz edilsin.

1.17. 129.1.2, 130.1-ci və 130.2-ci maddələrdə “şikayət” sözündən sonra “və ya protest” sözləri əlavə edilsin.

1.18. 156-cı maddə üzrə:

1.18.1. 156.2-ci maddədə “tətbiq edilmiş şəxslər” sözü “tətbiq edilmiş bu Məcəllənin 610—618-ci maddələrində göstərilən xətaları törətmiş şəxslər hauptvaxtda, digər şəxslər isə” sözləri ilə əvəz edilsin;

1.18.2. 156.3-cü maddə aşağıdakı redaksiyada verilsin:

“156.3. Müddətli həqiqi hərbi xidmət hərbi qulluqçusunun inzibati həbs müddəti hərbi xidmət müddətinə daxil edilmir.”.

1.19. 198.0-cı maddə üzrə:

1.19.1. maddənin sanksiyasında “min manatdan iki” sözləri “beş yüz manatdan” sözləri ilə əvəz edilsin;

1.19.2. 198.0-cı, 198.0.1 – 198.0.10-cu maddələr müvafiq olaraq 198.1-ci, 198.1.1 – 198.1.10-cu maddələr hesab edilsin və aşağıdakı məzmunda 198.2-ci və 198.3-cü maddələr əlavə edilsin:

“198.2. Texniki təhlükəsizlik və ya əmək mühafizəsinin başqa qaydalarına riayət edilməsi vəzifəsi həvalə edilmiş şəxs tərəfindən bu qaydaların pozulması nəticəsində ehtiyatsızlıqdan insan sağlamlığına yüngül zərərin vurulmasına görə —

min manatdan min beş yüz manatadək məbləğdə cərimə edilir.

198.3. Bu Məcəllənin 198.2-ci maddəsində nəzərdə tutulmuş əməllər zərərçəkmiş şəxsin sağlamlığına az ağır zərər vurulmasına səbəb olduqda —

min beş yüz manatdan iki min manatadək məbləğdə cərimə edilir.”.

1.20. Aşağıdakı məzmunda 215.4-cü maddə əlavə edilsin:

“215.4. Qanunvericiliyə uyğun olaraq sertifikasiyadan keçməyən şəxslərin (işçilərin) praktik tibb və əczaçılıq fəaliyyətinə buraxılmasına görə —

vəzifəli şəxslər səkkiz yüz manatdan min manatadək məbləğdə, hüquqi şəxslər altı min manatdan səkkiz min manatadək məbləğdə cərimə edilir.”.

1.21. Aşağıdakı məzmunda 232-1-ci maddə əlavə edilsin:

“Maddə 232-1. Əmlakı qəsdən məhv etmə və ya zədələmə

Özgənin əmlakını qəsdən məhv etməyə və ya zədələməyə görə, bu az miqdarda ziyan vurduqda-

inzibati xəta nəticəsində vurulmuş ziyanın bir mislindən iki mislinədək məbləğdə cərimə edilir.

Qeyd: Bu maddədə “az miqdar” dedikdə, beş min manatdan yuxarı olmayan məbləğ başa düşülür.”.

1.22. 262-ci maddənin “Qeyd” hissəsində “maddədə” sözü “Məcəllənin 262.3-cü maddəsində” sözləri ilə, “min manatadək olan” sözləri “beş min manatdan yuxarı olmayan” sözləri ilə əvəz edilsin.

1.23. Aşağıdakı məzmunda 351-1-ci maddə əlavə edilsin:

“Maddə 351-1. Nəqliyyat vasitələrini və ya yolları yararsız vəziyyətə salma

Dağıtmaq, zədələmək və ya başqa üsulla yolların, nəqliyyat vasitələrinin və ya nəqliyyat avadanlığının yararsız vəziyyətə salınması —

inzibati xəta nəticəsində vurulmuş ziyanın bir mislindən iki mislinədək məbləğdə cərimə edilir.

Qeyd: Bu maddədə nəzərdə tutulmuş əməl külli məbləğdə (əlli min manatdan artıq) ziyan vurduqda Azərbaycan Respublikasının Cinayət Məcəlləsinin müvafiq maddəsinə əsasən cinayət məsuliyyətinə səbəb olur.”.

1.24. 398-ci maddənin “Qeyd” hissəsinin 1-ci bəndində “iyirmi” sözü “əlli” sözü ilə əvəz edilsin.

1.25. 420-ci maddənin “Qeyd” hissəsinin 2-ci bəndində “yüz” sözü “iki yüz” sözləri ilə əvəz edilsin.

1.26. 431-ci maddənin “Qeyd” hissəsində “yüz” sözü “iki yüz” sözləri ilə əvəz edilsin.

1.27. 449-cu maddənin “Qeyd” hissəsində “iyirmi” sözü “əlli” sözü ilə əvəz edilsin.

1.28. 460-cı maddənin “Qeyd” hissəsinin 1-ci bəndində “iyirmi” sözü “əlli” sözü ilə əvəz edilsin.

1.29. 479-cu maddə üzrə:

1.29.1. sanksiyada “altmış faizindən yüz” sözləri “qırx faizindən altmış” sözləri ilə əvəz edilsin;

1.29.2. “Qeyd” hissəsində “dörd” sözü “əlli” sözü ilə əvəz edilsin.

1.30. 480-ci, 481-ci və 482.1-ci maddələrin sanksiyasında “altmış faizindən yüz” sözləri “qırx faizindən altmış” sözləri ilə, 482.2-ci maddənin sanksiyasında “yüz” sözü “altmış” sözü ilə əvəz edilsin.

1.31. aşağıdakı məzmunda 41-ci fəsil əlavə edilsin:

“FƏSİL 41

Hərbi xidmət əleyhinə olan inzibati xətalar

Maddə 610. Rəisin, yaxud hərbi qulluq vəzifəsini yerinə yetirən digər şəxsin şərəf və ləyaqətini alçaltma

Rəisin, yaxud hərbi qulluq vəzifəsini yerinə yetirən digər şəxsin hərbi xidmət üzrə öz vəzifəsini yerinə yetirməsi zamanı və ya belə vəzifələrin yerinə yetirilməsi ilə əlaqədar şərəf və ləyaqətini alçaltma —

on gündən iyirmi günədək müddətə inzibati həbs tətbiq olunur.

Maddə 611. Tabelikdə olan hərbi qulluqçunun şərəf və ləyaqətini alçaltma

Hərbi xidmət üzrə vəzifələrin yerinə yetirilməsi zamanı və ya belə vəzifələrin yerinə yetirilməsi ilə əlaqədar rəisin öz tabeliyində olan şəxsin şərəf və ləyaqətini alçaltması —

on gündən iyirmi günədək müddətə inzibati həbs tətbiq olunur.

Maddə 612. Tabelik münasibətlərində olmayan hərbi qulluqçular arasında qarşılıqlı münasibətlərin nizamnamə qaydalarını pozma

612.1. Tabelik münasibətlərində olmayan hərbi qulluqçular arasında qarşılıqlı münasibətlərin nizamnamə qaydalarını pozma, yəni bir hərbi qulluqçunun digərinin şərəf və ləyaqətini alçaltması və ya ona zor tətbiq etməsi —

on gündən bir ayadək müddətə inzibati həbs tətbiq olunur.

612.2. Müddətli həqiqi hərbi xidmət hərbi qulluqçuları və ya hərbi qulluqçu hazırlayan xüsusi təyinatlı təhsil müəssisəsinin kursantları arasında qarşılıqlı münasibətlərin nizamnamə qaydalarını pozaraq zərərçəkmiş şəxsə qarşı zor tətbiq etməklə, yaxud hədə-qorxu tətbiq etməklə özgənin az miqdarda əmlakını və ya əmlak xarakteri daşıyan digər hərəkətlər etməsini tələb etmə —

bir aydan üç ayadək müddətə inzibati həbs tətbiq olunur.

Qeyd:

1. Bu Məcəllənin 612.1-ci maddəsində nəzərdə tutulmuş əməl sağlamlığa ağır, az ağır və ya yüngül zərər vurmaqla törədildikdə, Azərbaycan Respublikasının Cinayət Məcəlləsinin müvafiq maddələrinə əsasən cinayət məsuliyyətinə səbəb olur.

2. Bu Məcəllənin 612.2-ci maddəsində “az miqdar” dedikdə, yüz manatdan yuxarı olmayan məbləğ başa düşülür.

Maddə 613. Hərbi hissəni və ya xidmət yerini özbaşına tərk etmə

613.1. Müddətli həqiqi hərbi xidmət hərbi qulluqçusunun və ya hərbi qulluqçu hazırlayan xüsusi təyinatlı təhsil müəssisəsinin kursantının hərbi hissəni (hərbi qulluqçu hazırlayan xüsusi təyinatlı təhsil müəssisəsini) və ya xidmət yerini özbaşına tərk etməsi və ya üzrlü səbəblər olmadan hərbi hissəyə (hərbi qulluqçu hazırlayan xüsusi təyinatlı təhsil müəssisəsinə) və ya xidmət yerinə vaxtında gəlməməsi bir gündən artıq, lakin üç gündən çox olmayaraq törədildikdə —

on günədək müddətə inzibati həbs tətbiq olunur.

613.2. Zabitin, gizirin, miçmanın, müddətdən artıq həqiqi hərbi xidmət hərbi qulluqçusunun hərbi hissədən və ya xidmət yerindən özbaşına getməsi, habelə üzrlü səbəblər olmadan hərbi hissəyə və ya xidmət yerinə vaxtında gəlməməsi üç gündən artıq, lakin on gündən çox olmayaraq törədildikdə —

iyirmi günədək müddətə inzibati həbs tətbiq olunur.

613.3. Bu Məcəllənin 613.1-ci maddəsində nəzərdə tutulmuş əməllərin inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən bir il ərzində təkrar törədilməsinə görə-

on gündən iyirmi günədək müddətə inzibati həbs tətbiq olunur.

613.4. Bu Məcəllənin 613.2-ci maddəsində nəzərdə tutulmuş əməllərin inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən bir il ərzində təkrar törədilməsinə görə-

on beş gündən bir ayadək müddətə inzibati həbs tətbiq olunur.

Maddə 614. Hərbi əmlakı itirmə, məhv etmə və ya zədələmə

614.1. Hərbi qulluqçulara xidməti istifadə üçün verilmiş silahın, onun komplekt hissələrinin, döyüş sursatının, partlayıcı maddələrin və qurğuların, hərbi texnikanın və ya sair hərbi əmlakın saxlanması qaydalarını pozmaqla itirilməsi—

on gündən bir ayadək müddətə inzibati həbs tətbiq olunur.

614.2. Silah, onun komplekt hissələri, döyüş sursatı, partlayıcı maddələr və qurğular və ya hərbi texnika istisna olmaqla sair hərbi əmlakı qəsdən az miqdarda məhv etmə və ya zədələmə -

on beş gündən iki ayadək müddətə inzibati həbs tətbiq olunur.

Qeyd:

1. Bu Məcəllənin 614.1-ci maddəsində nəzərdə tutulmuş əməl mühüm zərər vurduqda Azərbaycan Respublikasının Cinayət Məcəlləsinin müvafiq maddəsinə əsasən cinayət məsuliyyətinə səbəb olur.

2. Bu Məcəllənin 614.2-ci maddəsində “az miqdar” dedikdə, beş min manatdan yuxarı olmayan məbləğ başa düşülür.

Maddə 615. Silahla və yüksək təhlükə törədən əşyalarla davranış qaydalarını pozma

Silahla, hərbi sursatla, radioaktiv materiallarla, partlayıcı maddələrlə, habelə ətrafdakılar üçün yüksək təhlükə törədən maddə və əşyalarla davranış qaydalarının pozulması, ehtiyatsızlıqdan zərərçəkmiş şəxsin sağlamlığına yüngül zərər vurduqda —

iki yüz manatdan üç yüz manatadək məbləğdə cərimə edilir və ya işin halları və pozuntu törədənin şəxsiyyəti nəzərə alınmaqla on gündən bir ayadək müddətə inzibati həbs tətbiq olunur.

Maddə 616. Maşınları idarəetmə və istismar qaydalarını pozma

Döyüş və ya xüsusi təyinatlı nəqliyyat vasitələrini, yaxud hərbi texnikanı idarəetmə və istismar qaydalarını pozma, ehtiyatsızlıqdan zərərçəkmiş şəxsin sağlamlığına yüngül zərər vurulmasına səbəb olduqda -

iki yüz manatdan üç yüz manatadək məbləğdə cərimə edilir və ya işin halları və pozuntu törədənin şəxsiyyəti nəzərə alınmaqla on gündən iyirmi günədək müddətə inzibati həbs tətbiq olunur.

Maddə 617. Hərbi uçuş aparatlarının istismar qaydalarını pozma

617.1. Hərbi uçuş aparatlarının uçuş, uçuşa hazırlıq və ya sair istismar qaydalarını pozma, ehtiyatsızlıqdan zərərçəkmiş şəxsin sağlamlığına yüngül zərər vurulmasına səbəb olduqda —

iki yüz manatdan üç yüz manatadək məbləğdə cərimə edilir və ya işin halları və pozuntu törədənin şəxsiyyəti nəzərə alınmaqla on gündən iyirmi günədək müddətə inzibati həbs tətbiq olunur.

617.2. Bu Məcəllənin 617.1-ci maddəsində nəzərdə tutulmuş əməllər ehtiyatsızlıqdan zərərçəkmiş şəxsin sağlamlığına az ağır zərər vurulmasına səbəb olduqda —

beş yüz manatdan yeddi yüz manatadək məbləğdə cərimə edilir və ya işin halları və pozuntu törədənin şəxsiyyəti nəzərə alınmaqla on beş gündən bir ayadək müddətə inzibati həbs tətbiq olunur.

Maddə 618. Hərbi gəmiləri idarəetmə və ya istismar qaydalarını pozma

618.1. Hərbi gəmiləri idarəetmə və ya istismar qaydalarını pozma, ehtiyatsızlıqdan zərərçəkmiş şəxsin sağlamlığına yüngül zərər vurulmasına səbəb olduqda —

iki yüz manatdan üç yüz manatadək məbləğdə cərimə edilir və ya işin halları və pozuntu törədənin şəxsiyyəti nəzərə alınmaqla on gündən iyirmi günədək müddətə inzibati həbs tətbiq olunur.

618.2. Bu Məcəllənin 618.1-ci maddəsində nəzərdə tutulmuş əməllər ehtiyatsızlıqdan zərərçəkmiş şəxsin sağlamlığına az ağır zərər vurulmasına səbəb olduqda —

beş yüz manatdan yeddi yüz manatadək məbləğdə cərimə edilir və ya işin halları və pozuntu törədənin şəxsiyyəti nəzərə alınmaqla on beş gündən bir ayadək müddətə inzibati həbs tətbiq olunur.”.





 
Sorğu

QARABAĞI HANSI YOLLA AZAD EDƏ BİLƏRİK?
Savaş yolu ilə
Sülh yolu ilə
Qarabağ əldən gedib ey...

Şirkət-Xidmət
   
Xəbər lenti
                                                 
Dərslərin başlanmasına dair bir neçə versiya...
Bu gün, 18:34
Prokurorluq Bərdədəki olayla bağlı məlumat yaydı
Bu gün, 18:20
Şura və Agentlik qalib QHT-lərlə onlayn görüş keçirib
Bu gün, 17:58
Koronavirusa qarşı “Putin peyvəndi”: - türkiyəli professor deyir ki, sevinmək hələ tezdir
Bu gün, 17:55
"Əgər Könül vəzifəyə təyin edilibsə...’’ - Afaq Bəşirqızıdan AÇIQLAMA
Bu gün, 17:44
Onun bu mənzilə ehtiyacı yox idisə, niyə verirdin, ay Əli Həsənov? - FOTO
Bu gün, 17:39
Azərbaycanda dərslərin müddətinin azaldılması təklif edilir - Dərs müddəti 35 dəqiqə...
Bu gün, 17:37
Zorlanan 15 yaşlı qızdan xəbər var: - “Hazırda sığınacaqda...”
Bu gün, 17:35
Əhməd Əhmədzadə dostu Mirkamil Seyidova nəyin müqabilində vəzifə verib? - İLGİNC
Bu gün, 17:28
DSMF-nin vəzifəli şəxsləri hakim qarşısına çıxarılır
Bu gün, 17:23
"Peşəkar, klassik, ictimai media bu cür xəbərlərin üzərində dayanmamalıdır"
Bu gün, 17:13
Sabah dollar neçəyə olacaq?
Bu gün, 17:03
Abşeronda təbliğat işləri gündəlik həyata keçirilir
Bu gün, 17:02
"Kapital Bank" Yol Polisi İdarəsindəki şöbəsini niyə açmır? - AÇIQLAMA
Bu gün, 17:00
“Uşaqpulunun məbləği ən azı 100 manat civarında olmalıdır” – Sosioloqdan TƏKLİF
Bu gün, 16:58
Restoranlar açılır, toylar isə oktyabradək olmayacaq
Bu gün, 16:56
DTX-nın saxladığı icra başçıları YAP-dan çıxarılıb: - Ancaq biri istisnadır
Bu gün, 16:55
Şübhəli ov: Pentaqon Azərbaycanda da yarasaların toplanmasını sifariş edib? - AMEA əməkdaşından iddalara cavab
Bu gün, 16:53
Sahil Babayevin karandaşlı “islahatları” - İLGİNC
Bu gün, 16:52
“Maskaların yerə atılması təhlükəlidir”
Bu gün, 16:49
Operativ Qərargahın qəribə məntiqi - Burada məntiq haradadır?
Bu gün, 16:43
Azərbaycanda COVID-19-a yoluxanların sayı 33 824-ə çatıb, 497 nəfər vəfat edib
Bu gün, 16:40
Azərbaycanda aparılmış koronavirus testlərinin sayı 800 mini keçib
Bu gün, 16:39
Azərbaycanda daha 202 nəfər COVID-19-dan sağalıb, 93 nəfər yoluxub, 2 nəfər vəfat edib
Bu gün, 16:38
BNA-da nə baş verir? – Milyonlar xərclənir, problem isə böyüyür...
Bu gün, 16:37
Baş infeksionistdən XƏBƏRDARLIQ - Payız aylarına hazır olmalıyıq
Bu gün, 16:33
Aynişanla Kənanın ayrılıq xəbərini bu görüntülər YALANLADI - VİDEO
Bu gün, 16:22
Ağdaşda tibbi maskadan istifadə etməyən sürücü və sərnişinlər cərimələndi
Bu gün, 16:19
"Rəvan Sığorta" əmlakının böyük hissəsini KİMƏ SATIB?
Bu gün, 16:05
"Ssenari elə qurulub ki, zərərçəkmiş tərəf bu gün təqsirləndirilən tərəf olub..." - GİLEY
Bu gün, 16:01
Karantin qaydalarını pozaraq Qubaya gələn 7 nəfər məsuliyyətə cəlb olundu
Bu gün, 15:57
“Müxalifətin trolları iqtidarın trollarından güclüdür” - deputat
Bu gün, 15:54
Prezident Əli Əsədova daha bir yüksək vəzifə verdi - SƏRƏNCAM
Bu gün, 15:51
Bu hakim şagirdini hamilə qoyan 60 yaşlı müəllimə bir il cəza verib - FOTO
Bu gün, 15:50
İlham Zəkiyev AMADA-nın İdmançılar Məsləhətçi Komissiyasının sədri seçilib
Bu gün, 15:46
"Mən şəxsən Rüfət Həsənovu tanımıram"
Bu gün, 15:45
Sosial mənzillərin ELEKTRON SATIŞI: “Təklif və tələbat arasında nisbət dəyişir” – Deputatdan QİYMƏTLƏNDİRMƏ
Bu gün, 15:42
Sabirabadda YAP üzvünün başına necə oyun açdılar... - GİLEY
Bu gün, 15:39
Kürdəmirə yeni DYP rəisi təyin edilib
Bu gün, 15:36
Xəzərin mühafizəsində birgə olmalıyıq
Bu gün, 15:34
İlham Əliyevin nəvəsi REP OXUDU
Bu gün, 15:32
Tələbələri ən az xərcə salan ölkələr: - Neft ölkələrində pulsuz təhsil
Bu gün, 15:26
Neftçalada karantin qaydalarını pozaraq yas mərasimi keçirənlər cərimələnib
Bu gün, 15:24
“Əksəriyyət məhkəmə-hüquq sistemindən şikayətçidir”
Bu gün, 15:19
Prezident İlham Əliyev Bakıya gətirilmiş TX modelli yeni "London taksi"ləri ilə tanış olub
Bu gün, 15:15
Təhsil Nazirliyi yeni tədris ili ilə bağlı təlimat hazırlayıb? - RƏSMİ
Bu gün, 15:13
ABŞ dərin dövləti, Rusiya mifi və bağlı qapılar arxasındakı oyun - TƏHLİL
Bu gün, 15:11
Nazir biznesmenə vəzifə verdi
Bu gün, 15:09
Şəfahət Məmmədov barəsində çıxarılmış hökmdən dövlət ittihamçısı tərəfindən apellyasiya protesti verilib - Baş Prokurorluq gözlənilən ADDIMI ATDI
Bu gün, 15:04
Prezidentin tövsiyəsinə əməl etməyən dövlət qurumları hansılardı? - 7,9 min nəfər işini itirib
Bu gün, 15:01
Şirkət-Xidmət
 
 
Dia.az © 2010 - 2014
Məlumat internet səhifələrində istifadə edildikdə müvafiq keçidin qoyulması mütləqdir.
Bizimlə Əlaqə : Tel - (055) 560 77 49 (070) 202 30 39 E-mail : [email protected]
Designed by Daraaz.net
�������@Mail.ru